ລາວໂຮມລາວ ເພື່ອປະຊາທິປະໄຕ

Members Login
Username 
 
Password 
    Remember Me  
Post Info TOPIC: ນຶ່ງໃນສາມຜູ້ຕ້ອງຫາໄດ້ພົບ ຄອບຄົວ
Anonymous

Date:
ນຶ່ງໃນສາມຜູ້ຕ້ອງຫາໄດ້ພົບ ຄອບຄົວ
Permalink   
 


ນຶ່ງໃນສາມຜູ້ຕ້ອງຫາໄດ້ພົບ ຄອບຄົວ

17794026-c35c-4168-af24-eeed9865ab05.jpe

 

ເຈົ້າໜ້າທີ່ລາວ ອະນຸຍາດ ໃຫ້ ນຶ່ງໃນສາມ ຄົນງານລາວ ຜູ້ຕ້ອງຫາ ທີ່ ຖືກຈັບກຸມ ໃນຂໍ້ຫາ ຄະດີ ໂພສ ຂໍ້ຄວາມ ວິຈານ ພັກ-ຣັຖ ຢູ່ ເຟສບຸກ ໄດ້ພົບກັບ ຄອບຄົວ ແລ້ວ.

ທ້າວ ສົມພອນ ພິມມະສອນ ຫລື ເພັດອາຄົມ ອາຍຸ 29 ປີ ປັດຈຸບັນ ຖືກຂັງຢູ່ ຄຸກໂພນທັນ ໄດ້ຮັບ ອະນຸຍາດ ໃຫ້ພົບກັບ ສະມາຊິກ ຄອບຄົວ ໃນວັນທີ 28 ກັນຍາ ທີ່ ຜ່ານມາ ຫລັງຈາກ ທີ່ຖືກຂັງ ຢູ່ຄຸກມືດ ມາໄດ້ຫຼາຍ ເດືອນ. ອີງຕາມ ການບອກເລົ່າ ຂອງ ຄອບຄົວ ທ້າວ ສົມພອນ ຕໍ່ ວິທຍຸ ເອເຊັຽ ເສຣີ.

ນອກຈາກ ທ້າວ ສົມພອນ ພິມມະສອນ ແລ້ວ ຍັງມີ ທ້າວສຸກັນ ໃຈທັດ ອາຍຸ 32 ປີ ແລະ ນາງຫຼອດ ທຳມະວົງ ອາຍຸ 30 ປີ ທັງສາມ ຖືກຂັງຢູ່ຄຸກ ໂພນທັນ ຫລັງຈາກທີ່ ທັງສາມຄົນ ຖືກຈັບ ໃນຕົ້ນປີ 2016 ໃນຂນະທີ່ ເຂົາເຈົ້າ ກັບມາຈາກ ປະເທດໄທ ເພື່ອ ມາເຮັດ ໜັງສື ເດີນທາງ ແລະ ເຮັດບັດ ປະຈຳຕົວ.

ຄອບຄົວ ທ້າວ ສົມພອນ ກ່າວວ່າ ທັງສາມຄົນ ມີກຳນົດການ ຈະຖືກນຳ ຂຶ້ນສານ ຕັດສິນຄະດີ ໃນ ເດືອນຕຸລາ ຈະມາເຖີງນີ້, ແຕ່ທັງ ສາມຄົນ ບໍ່ມີ ທະນາຍຄວາມ ໃນ ການຕໍ່ສູ້ ຄະດີ. ປະຈຸບັນ ແມ່ນໄດ້ ອອກມາຢູ່ ບ່ອນກັກຂັງ ບໍລິເວນ ທາງນອກ ຄຸກມືດ ໄດ້ມາຮຽນ ຈັກ-ສານ ກະຕິບເຂົ້າ ເວລາ ຄອບຄົວ ໄປພົບ ສະພາບ ຈິດໃຈກໍດີ ໃຫ້ມາກອດ ພໍ່ແມ່ ແຕ່ ເຈົ້າໜ້າທີ່ ບໍ່ໃຫ້ລົມກັນ ຫຼາຍ ໃຊ້ເວລາ ປະມານ 15 ນາທີ ເທົ່ານັ້ນ, ແຕ່ ທາງຄອບຄົວ ກໍດີໃຈ ທີ່ເຫັນໜ້າລູກ ສີໜ້າດີ ກວ່າຕອນທີ່ ເຫັນອອກຂ່າວ ຕອນ ຈັບກຸມ ຄັ້ງທຳອິດ. ອີງຕາມ ການບອກເລົ່າ ຂອງ ຄອບຄົວ.

ຄອບຄົວ ຂອງ ທ້າວ ສົມພອນ ກ່າວອີກວ່າ ຄວາມຫວັງ ຜູ້ເປັນພໍ່ແມ່ ກໍຢາກໃຫ້ ທາງການ ຫລຸດຜ່ອນໂທດ ໃຫ້ຍ້ອນ ລູກ ໄດ້ສາຣະພາບ ຜິດແລ້ວ ເພາະວ່າ ເພິ່ນບໍ່ໃຫ້ ມີ ທະນາຍຄວາມ ມາຊ່ວຍ ເວົ້າຄວາມ ເພິ່ນໃຫ້ ເຫດຜົນວ່າ ເປັນຄະດີ ການເມືອງ.

ສ່ວນຄອບຄົວ ທ້າວສຸການ ໃຈທັດ ແມ່ນໄດ້ຂຶ້ນມາ ພົບລູກ ກ່ອນ ກອງປະຊູມ ອາຊຽນ ແຕ່ບໍ່ໄດ້ພົບ ເພາະເພິ່ນວ່າ ເຈົ້າໜ້າທີ່ ບໍ່ສະດວກ ຕິດກອງປະຊຸມ ບອກວ່າ ຫລັງ ກອງປະຊູມ ແລ້ວ ຄ່ອຍມາ ພົວພັນ ເຈົ້າໜ້າທີ່ ອີກ.



__________________
Anonymous

Date:
Permalink   
 

ທ.ບຸນທັນຈະຖືກຂັງຕໍ່ໄປ

2bed9fad-184c-4ce2-9e3c-2cd92c397c2d.jpe

 

ເຈົ້າໜ້າທີ່ ຍຸຕິທັມ ຂອງລາວ ທ່ານນຶ່ງ ກ່າວຕໍ່ ຜູ້ສື່ຂ່າວ ເອເຊັຽເສຣີ ໃນວັນທີ 28 ກັນຍາ ນີ້ວ່າ ທ່ານ ບຸນທັນ ທັມມະວົງ, ຊາວລາວ ສັນຊາດ ໂປແລັນ ອາຍຸ 53 ປີ, ທີ່ຖືກສານ ປະຊາຊົນ ສູງສຸດ ນະຄອນຫຼວງ ວຽງຈັນ ຕັດສິນ ລົງໂທສ ຈຳຄຸກ ເປັນເວລາ 4 ປີ 9 ເດືອນ ເມື່ອປີກາຍ ໃນຂໍ້ຫາ ໃສ່ຮ້າຍປ້າຍສີ ພັກ-ຣັຖ ຜ່ານສື່ສັງຄົມ ອອນລາຍ ນັ້ນ ຍັງຈະຕ້ອງ ຖືກຄຸກຕໍ່ໄປ ແລະວ່າ ເທົ່າເຖິງ ປັດຈຸບັນ ຍັງບໍ່ໄດ້ ຮັບການ ພົວພັນ ຈາກ ພາກສ່ວນໃດ ທີ່ຈະເອົາຕົວ ທ່ານ ກັບຄືນໄປ ຈຳຄຸກ ໃນ ປະເທດໂປໂລຍ ບ່ອນທີ່ ທ່ານຖື ສັນຊາຕ ນັ້ນເທືຶ່ອ. ດັ່ງນາງກ່າວ ໃນຕອນນຶ້ງວ່າ:

"ໂອ, ຍັງບໍ່ທັນມີໃຜ ເຂົ້າມາ ພົວພັນ ເລີຍເຈົ້າ. ຍັງບໍ່ມີໃຜ ເຂົ້າມາ ພົວພັນ ຫຍັງເລີຍ ເພາະວ່າ ສານຕັດສິນ ຢູ່ພີ້ເນາະ ກະຕ້ອງໄດ້ ປະຕິບັດໂທສ ຢູ່ພີ້ເຈົ້າ".

ໃນຂນະດຽວກັນ, ຜູ້ສື່ຂ່າວ ເອເຊັຽ ເສຣີ ກໍ່ໄດ້ສົ່ງ ອີເມວລ ຕິດຕໍ່ໄປຫາ ສະຖານທູຕ ໂປແລັນ ປະຈຳ ບາງກອກ ເພື່ອສອບຖາມ ເຖິງ ຣາຍລະອຽດ ວ່າ ທາງການ ໂປແລັນ ຈະມີການ ປະສານງານ ເພື່ອໃຫ້ມີ ການປ່ອຍຕົວ ທ່ານ ບຸນທັນ ຈາກຄຸກ ໃນລາວ ກ່ອນກຳນົດ ເພື່ອໄປ ປະຕິບັດໂທສ ທີ່ ໂປແລັນບໍ່? ທາງ ສະຖານທູຕ ໂປແລັນ ຍັງບໍ່ໄດ້ຕອບ ກັບມາ ແຕ່ຢ່າງໃດ.

ເຖິງຢ່າງໃດກໍ່ດີ, ຜູ້ສື່ຂ່າວ ເອເຊັຽ ເສຣີ ກໍ່ໄດ້ຕິດຕໍ່ ໄປຍັງ ພາກສ່ວນ ຄຸມຂັງ ແລະ ດັດສ້າງ, ກະຊວງ ປ້ອງກັນ ຄວາມສງົບ ທີ່ ນະຄອນຫຼວງ ວຽງຈັນ ສອບຖາມເຖິງ ສະຖານະພາບ ຫຼ້າສຸດ ຂອງ ທ່ານ ບຸນທັນ ວ່າເປັນຢູ່ ແນວໃດ ແລະ ຈະໄດ້ຮັບ ອະພັຍໂທສ ເນື່ອງໃນວັນ ສະຖາປະນາ 41 ປີ ສປປລາວ ໃນປີນີ້ ຫຼືບໍ່. ເຈົ້າໜ້າທີ່ ທ່ານນຶ່ງ ໄດ້ຊີ້ແຈງ ກ່ຽວກັບ ເຣື້ອງນີ້ວ່າ:

"ຜ່ານມາຫຼັງຈາກ ພາຍຫຼັງທີ່ ທ້າວ ບຸນທັນ ໄດ້ຮັບການ ຕັດສິນໂທສ ລະກະມີ ທາງ ສະຖານທູຕ ຂອງ ໂປໂລຍ ກະເຂົ້າມາ ຢ້ຽມຢາມ ທຸກໆເດືອນ ເນາະ. ລະການເຂົ້າມາ ຢ້ຽມຂອງທູຕ ໂປໂລຍ ນັ້ນ, ເພິ່ນກະຈະ ເຮັດ ເອກສານ ຜ່ານມາທາງ ກະຊວງ ການຕ່າງ ປະເທສ ຕາມ ຣະບຽບການ ລະກະຜ່ານທາງ ກະຊວງ ປ້ອງກັນ ຄວາມສງົບ. ຖືວ່າ ທາງການລາວ ນີ້ກະໄດ້ ໃຫ້ ອະນຸຍາດ ເຂົ້າຢ້ຽມ ຕາມໂມງ ຣັຖການ ຫັ້ນແຫຼະ".

ທ່ານກ່າວຕື່ມວ່າ ຍາຕຕິພີ່ນ້ອງ ຂອງທ່ານ ບຸນທັນ ກໍມາ ຢ້ຽມຢາມ ສົ່ງເຂົ້າ-ສົ່ງນ້ຳ ເປັນປະຈຳ ແລະ ທ່ານ ບຸນທັນ ເອງກໍ່ມີ ສຸຂພາບດີ ໃນ ຣະຫວ່າງ ການປະຕິບັດ ໂທສ ທີ່ສູນຄຸມຂັງ ນັກໂທສ ສາກົນ ໃນ ນະຄອນຫຼວງ ວຽງຈັນ. ສ່ວນວ່າ ທ່ານ ຈະໄດ້ຮັບ ອະພັຍໂທສ ໃນປີນີ້ ຫຼືບໍ່ນັ້ນ ທ່ານເວົ້າວ່າ ຕາມເງື່ອນໄຂ ຂອງການ ອະພັຍໂທສ ແລ້ວ ແມ່ນຕ້ອງມີ ການປະຕິບັດ ໂທສ ກ່ອນ 2 ໃນ 3 ຂອງ ກຳນົດເວລາ ແຕ່ ທ່ານ ບຸນທັນ ຍັງບໍ່ຢູ່ ໃນເງື່ອນໄຂ ໃນ ປີນີ້ເທື່ອ:

"ອັນນີ້ ບຸນທັນ ຫາກະໄດ້ປີປາຍ, ເອີ້ນວ່າ ມາຕຖານ ເງື່ອນໄຂ ທີ່ໄດ້ກຳນົດ, ໝາຍຄວາມວ່າ ມັນຈະຕ້ອງໄດ້ ປະຕິບັດ ໂທສ ໄດ້ 2 ສ່ວນ 3 ເນາະ. ຕ້ອງ ປະຕິບັດໂທສ ໄດ້ 2 ສ່ວນ 3 ແລ້ວຈຶ່ງມີ ເງື່ອນໄຂ ສເນີຜ່ອນໂທສ ອະພັຍໂທສ ແຕ່ລະປີ".

ໃນເດືອນກັນຍາ ປີ 2015 ຜ່ານມາ, ພັນເອກ ດຣ. ທອງເຫຼັກ ມັງໜໍ່ເມກ, ຮອງ ຫົວໜ້າ ກົມໃຫ່ຽ ຕຳຫຼວດ, ກະຊວງ ປ້ອງກັນ ຄວາມສະຫງົບ, ໄດ້ຊີ້ແຈງ ຜ່ານສື່ມວນຊົນ ຂອງ ທາງການລາວ ວ່າ ທ່ານ ບຸນທັນ ທັມມະວົງສ໌ ແມ່ນ ມີພຶຕກັມ ເຄື່ອນໄຫວ ຜິດຕໍ່ກົດໝາຍ ອາຍາ ມາດຕຣາ 65 ຂອງກົດໝາຍ ອາຍາ ແຫ່ງ ສປປລາວ ຢ່າງແທ້ຈິງ.

ສະນັ້ນ ເຈົ້າໜ້າທີ່ ຈຶ່ງ ຈັບກຸມຜູ້ກ່ຽວ ແລ້ວສົ່ງໃຫ້ ສານປະຊາຊົນ ສູງສຸດ ນະຄອນຫຼວງ ວຽງຈັນ ຕັດສິນ ລົງໂທສ ເປັນເວລາ 4 ປີ 9 ເດືອນ ໃນຂໍ້ກ່າວຫາ ໃສ່ຮ້າຍ ປ້າຍສີ ພັກ-ຣັຖ ຜ່ານ ສື່ສັງຄົມ ອອນລາຍ.



__________________
Page 1 of 1  sorted by
 
Quick Reply

Please log in to post quick replies.



Create your own FREE Forum
Report Abuse
Powered by ActiveBoard