ລາວໂຮມລາວ ເພື່ອປະຊາທິປະໄຕ

Members Login

Post Info

TOPIC: ມາອີກແລ້ວ! ຂີ້ເຫຍື້ອແຄມທາງ 450 ປີ

Anonymous

Date: Oct 1, 2012

ມາອີກແລ້ວ! ຂີ້ເຫຍື້ອແຄມທາງ 450 ປີ	Permalink

ມາອີກແລ້ວ! ຂີ້ເຫຍື້ອແຄມທາງ 450 ປີ ພະຍາດ ຖິ້ມຂີ້ເຫຍື້ອຊະຊາຍຕາມແຄມທາງ 450 ປີ ລະບາດແຮງອີກແລ້ວສ້າງຄວາມເປິເປື້ອນແກ່ຖະຫນົນກາຍເປັນພາບພົດທີ່ ບໍ່ຈົບງາມແກ່ນະຄອນຫລວງວຽງຈັນ ຫລື ນວ ຂະນະທີ່ປະຊາຊົນຮຽກຮ້ອງ ເຖິງເຈົ້າຫນ້າທີ່ກ່ຽວຂ້ອງລົງແກ້ດ່ວນ. ການກະທຳບໍ່ຖືກຕ້ອງຂັດ ຕໍ່ກົດລະບຽບລວມທັງຄວາມຈົບງາມຂອງບ້ານເມືອງໃນເຫດການຖອກສີ່ງເສດ ເຫລືອຊະຊາຍຕາມແຄມທາງ 450 ປີບໍລິເວນບ້ານນາຄວາຍ ນວ ຂອງລົດດູດວິດບາງຄັນທີ່ຫນັງສືພິມ ເສດຖະກິດ-Œສັງຄົມ ໄດ້ນຳສະເຫນີເມື່ອກາງເດືອນພຶດສະພາຜ່ານມາ ກໍ່ໃຫ້ເກີດສຽງວິພາກວິຈານກັນຢ່າງແພ່ຫລາຍໃນກຸ່ມຄົນທີ່ນຳໃຊ້ ຍານພາຫະນະຜ່ານ ເຂດດັ່ງກ່າວ ແຕ່ມາຮອດປະຈຸບັນ ບັນຫາດັ່ງກ່າວກໍ່ຄ່ອຍໆໄດ້ຮັບການແກ້ໄຂ ຂະນະທີ່ມີການກະທຳໃນຮູບແບບໃຫມ່ອີກ ແຕ່ເປັນຂີ້ເຫຍື້ອມາຖິ້ມໄວ້ນັບ 10 ຈຸດທີ່ຫ່າງຈາກ 4 ແຍກໄຟແດງບ້ານຊ້າງຄູ້ປະມານ 2 ກິໂລແມັດກວ່າ. ປະຊາຊົນຄົນຫນຶ່ງເລົ່າສູ່ຟັງວ່າ: ບໍລິເວນດັ່ງກ່າວແມ່ນເຂດບ້ານໂຊກໃຫຍ່ ເມືອງໄຊເຊດຖາ ນະຄອນຫລວງວຽງຈັນ ແລະ ຈຳນວນກອງຂີ້ເຫຍື້ອທີ່ວ່ານັ້ນ ແມ່ນມີການກະທຳມາຫລາຍ ເດືອນແລ້ວໂດຍເບື້ອງຕົ້ນແມ່ນເຫັນຖອກຫ່າງຈາກແຄມທາງປະມານ 1 ຮ້ອຍແມັດ ຫລັງຈາກນັ້ນ ກໍ່ຄ່ອຍຫຍັບເຂົ້າຈົນເຖິງແຄມທາງໃນປະຈຸບັນ. ໂດຍຜູ້ທີ່ນຳມາຖອກສ່ວນຫລາຍແມ່ນລົດເກັບຂີ້ເຫຍື້ອບາງຄັນ ແລະ ແມ່ຄ້າຈຳນວນຫນຶ່ງ ທີ່ມັກງ່າຍບໍ່ຢາກສິ້ນເປືອງຄ່າໃຊ້ຈ່າຍໃນການເອົາຂີ້ເຫຍື້ອໄປ ຖິ້ມໃສ່ບ່ອນທີ່ລັດກຳນົດໃຫ້ ເຊິ່ງປະຈຸບັນນີ້ໄດ້ສົ່ງກິ່ນເຫມັນຢ່າງຮຸນແຮງຕໍ່ຜູ້ທີ່ສັນຈອນ ຜ່ານບໍລິເວນດັ່ງກ່າວ ລວມເຖິງປະຊາຊົນໃນບ້ານໂຊກໃຫຍ່ ເຖິງແມ່ນວ່າຈຸດດັ່ງກ່າວຈະເປັນທົ່ງນາທີ່ຫ່າງຈາກບ້ານກໍ່ຕາມ. __________________

Page 1 of 1 sorted by

Create your own FREE Forum
Report Abuse