ລາວໂຮມລາວ ເພື່ອປະຊາທິປະໄຕ

Members Login
Username 
 
Password 
    Remember Me  
Post Info TOPIC: ມີຄົນລັກຖອນເງິນ ຈາກບັນຊີ ແບບ ບໍ່ຮູ້ໂຕ
Anonymous

Date:
ມີຄົນລັກຖອນເງິນ ຈາກບັນຊີ ແບບ ບໍ່ຮູ້ໂຕ
Permalink   
 


ມີຄົນລັກຖອນເງິນ ຈາກບັນຊີ ແບບ ບໍ່ຮູ້ໂຕ

81a732ad-8984-454c-8ec4-145757ec7942.png

 

ມີການລັກຖອນເງິນຈາກບັນຊີ ທະນາຄານ ຕ່າງປະເທດ ຂອງແມ່ຍິງລາວ ແບບບໍ່ຮູ້ສາເຫດຈໍານວນ 10 ລ້ານ 3 ແສນກີບ ແລະ ທາງ ທະນາຄານ ກໍກໍາລັງ ກວດສອບຢູ່.

ໃນວັນທີ 14 ເມສາ 2018 ຜ່ານມານີ້ເວລາ 5 ໂມງແລງ ມີຊາວລາວຜູ້ນຶ່ງ ຢູ່ບ້ານເກິນ ເມືອງທຸຣະຄົມ ແຂວງວຽງຈັນ ແຈ້ງວ່າມີການ ຖອນເງິນ ຈາກຕ່າງປະເທດ ໃນບັນຊີທະນາຄານຂອງຕົນທັງໝົດ 10 ລ້ານ 3 ແສນກີບ; ດັ່ງປະຊາຊົນ ຜູ້ເສັຍຫາຍກ່າວຕໍ່ ວິທຍຸເອເຊັຍ ເສຣີ ໃນວັນທີ 25 ເມສ ນີ້ວ່າ:

“ຄືຈັ່ງຊິ້ເນາະ ຢູ່ດີໆໂທຣະສັບ ຂ້ອຍມີແອັປ BCEL ONE ເນາະ ແລະຢູ່ດີໆ ກໍມີແຈ້ງເຕືອນຂຶ້ນມາ ຖືກຖອນເງິນຈາກຕ່າງປະເທດ ຖອນເທື່ອລະ 5 ລ້ານ ແລ້ວຕອນນີ້ຍັງບໍ່ຮູ້ວ່າ ມັນແມ່ນປະເທດໃດ ຕອນນີ້ກໍຍັງບໍ່ຮູ້ເທື່ອວ່າທະນາຄານ ກໍາລັງເຮັດຫຍັງຢູ່ເນາະ ມີແຕ່ ເພິ່ນໃຫ້ຖ້າ ປະມານທິດສອງທິດ ເພິ່ນຈັ່ງສິໃຫ້ຄໍາຕອບ ເພາະທາງ ທະນະຄານເພິ່ນຕ້ອງໄດ້ check ຣະບົບ.”

ຜູ້ເສັຍຫາຍອະທິບາຍວ່າ ຕົນໄດ້ຮັບຂໍ້ຄວາມແຈ້ງເຕືອນຜ່ານ app BCEL ONE ອອກໂດຍທານະຄານ ການຄ້າຕ່າງປະເທດ ມະຫາຊົນ ວ່າຖືກຖອນເງິນ ຈາກຕ່າງປະເທດ 2 ເທື່ອ ເທື່ອລະ 5 ລ້ານປາຍກີບ ຮວມທັງໝົດເປັນ 10 ລ້ານປາຍກີບ ເສັຍຄ່າຖອນ ເງິນຈາກຕ່າງ ປະເທດ ເທື່ອລະແສນປາຍກີບ ແລະຄ່າບໍຣິການ ກວດຍອດເງິນຈາກຕ່າງປະເທດ 4 ພັນປາຍກີບ ຮວມທັງໝົດ 10 ລ້ານ 3 ແສນກີບ ໂດຍໃຊ້ເວລາພຽງ 2 ນາທີ.

ຫລັງຈາກນັ້ນ ຜູ້ເສັຍຫາຍ ໄດ້ນໍາເອົາຫລັກຖານຖອນເງິນ ຈາກຕ່າງປະເທດ ໄປແຈ້ງຕໍ່ເຈົ້າໜ້າທີ່ ທະນາຄານການຄ້າ ຕ່າງປະເທດ ສາຂາ ວຽງຈັນໃນມື້ວັນທີ 19 ເມສາ 2018 ເພື່ອກວດສອບສາເຫດວ່າ ເປັນຫຍັງເງິນຈຶ່ງຖືກຖອນ ໂດຍບໍ່ໄດ້ຮັບອະນຸຍາດ,

ເຈົ້າໜ້າທີ່ ທະນາຄານການຄ້າ ຕ່າງປະເທດລາວເວົ້າວ່າ ຮັບຊາບບັນຫານີ້ ແລະຂໍເວລາກວດສອບ ຣະບົບການຖອນເງິນ ຂອງທະນາຄານ ແລະການເຄື່ອນໄຫວບັນຊີ ຂອງຜູ້ເສັຍຫາຍຄືນໃໝ່ ຄາດວ່າຈະໃຊ້ເວລາ 1-2 ອາທິດ.

ເຖິງຢ່າງໃດກໍຕາມ ຕໍ່ບັນຫານີ້ ວິທຍຸເອເຊັຍເສຣີ ໄດ້ຕິດຕໍ່ໄປຍັງ ທະນາຄານ ການຄ້າຕ່າງປະເທດ ໃນມື້ວັນທີ 25 ເມສາ 2018 ນີ້ເພື່ອ ຣາຍລະອຽດ ແລະຄວາມຄືບໜ້າ ແຕ່ເຈົ້າໜ້າທີ່ທະນາຄານເວົ້າວ່າ ກໍາລັງດໍາເນີນການ ກວດສອບເຣື້ອງບັນຊີຢູ່.



__________________
Anonymous

Date:
Permalink   
 

ມ.ໂຂງ ຫາປາຍາກຍ້ອນ ເຂື່ອນ

091f7646-3b8e-460f-b46c-077bf5c959fa.png

 

ຝຸງໝູ່ປານໍ້າຂອງ ໃນເຂດເມືອງໂຂງ ແຂວງຈຳປາສັກ ບໍຣິເວນ ຊາຍແດນລາວ ກັມພູຊາ ໄດ້ຫລຸດລົງຫລາຍ ຫລັງຈາກ ມີການກໍ່ສ້າງ ເຂື່ອນ ດອນສະໂຮງ ເຂດກໍ່ສ້າງໄດ້ປີດທາງນໍ້າ ທີ່ປາຜ່ານຂື້ນໄປວາງໄຂ່ ແລະ ອົພຍົບ.

ການຫລຸດລົງຂອງຈຳນວນປາ ອຳນາດການປົກຄອງບ້ານເວົ້າວ່າ ມັນກະທົບຕໍ່ຣາຍຮັບ ຂອງປະຊາຊົນ ທີ່ອາສັຍຢູ່ເຂດອ້ອມແອ້ມເຂື່ອນ. ດັ່ງເຈົ້າໜ້າທີ່ປະມົງ ບ້ານຫາງສະດຳ ເມືອງໂຂງ ແຂວງຈຳປາວັກ ກ່າວຕໍ່ວິທຍຸເອເຊັຍເສຣີ ໃນວັນທີ 25 ເມສາ ນີ້ວ່າ:

"ຜ່ານມາເບື້ອງຕົ້ນມານີ້ປານໍ້າຂອງ ມັນຊິຫລາຍ ປັດຈຸບັນມັນມີໜ້ອຍ ຍົກຕົວຢ່າງຄືສໄມນັ້ນ ປາຮ້ອຍເປີເຊັນ ຍົກຕົວຢ່າງ ມາດຽວນີ້ຍັງ ຕັ້ງແຕ່ 30 ເປີເຊັນ ຖືວ່າມັນຫລຸດເກີນຂອບເຂດ ຫລຸດມານີ້ 5 ປີ ຜ່ານມານີ້ ຫລຸດມາເລື້ອຍໆ ຕໍ່ມາເລີຍ ແລ້ວປີນີ້ ແຮງຮ້າຍກວ່າແຕ່ກີ້ ເຮົານີ້ໄປຕັກເວລາມັນຂຶ້ນນີ້ ເຮົາກໍ່ສິໄດ້ແລ້ວ ຄອບຄົວນຶ່ງປະມານ ສະເລັ່ຽເປັນເງິນ ຄູ່ມື້ນີ້ກາສິໄດ້ຕໍ່າສຸດ 5 ລ້ານ ກີບຫາ 6 ລ້ານກີບ ແຕ່ດຽວນີ້ສິເອົາ ຊໍ່າກິນກໍ່ຍັງຍາກ."

ສຳລັບຜູ້ທີ່ຖືກຜົນກະທົບ ມີທັງໝົດ 398 ຫລັງຄາເຮືອນ ໃນ 3 ບ້ານ ຄືບ້ານຫາງຄອນ, ບ້ານຫົວຄອນ ແລະບ້ານຫາງສະດຳ. ເມື່ອກ່ອນ ປະຊາຊົນເຄີຍຫາປາໄດ້ມື້ລະ 30 - 50 ກິໂລ ພາຍຫຫຼັງປີ 2015 ກໍຫຼຸດລົງຈາກທີ່ເຄີຍຫາປາ ມາຂາຍໄດ້ຢ່າງຕໍ່າ 6 ລ້ານກີບ ແຕ່ດຽວນີ້ ລ້ານດຽວກໍ່ຍາກ.

ຕລາດນາກະສັງ ເຂດບ້ານຫາງສະດຳ ເປັນຕລາດສົ່ງປາອອກທີ່ໃຫຍ່ທີ່ສຸດ ແລະມີປານໍ້າຂອງຫລາຍທີ່ສຸດ ໃນປະເທດລາວ ຊາວຄ້າຂາຍ ໃນຕລາດ ກ່າວວ່າປັດຈຸບັນ ປາໃນລາວ ແລະກັມພູຊາ ກໍ່ຍັງມີຂາຍຢູ່ຕລາດ ແຕ່ກໍ່ຫລຸດລົງໄປຫຼາຍ:

"ໂອຍແຕ່ກີ້ແຫລະເນາະ ຫລາຍ ຕະກີ້ນະຫລາຍ ແຕ່ປະມານບໍ່ເວົ້າໄປໄກ ເອົາຊໍ່າລະຍະສັ້ນໆ ປະມານ 5 ປີ ຜ່ານມານີ້ ຍັງຫລາຍຢູ່ປາ ແຕ່ຊ່ວງນີ້ມາກໍຫາກມີຢູ່ ແຕ່ວ່າມັນບໍ່ຫລາຍຄືແຕ່ກີ້ ແລ້ວ."

ປັດຈຸບັນ ໂຄງການເຂື່ອນ ດອນສະໂຮງ ຫລືເຂດຜລິດໄຟຟ້າແຫ່ງ ທີ 2 ຂອງແມ່ນໍ້າຂອງມີຄວາມຄືບໜ້າແລ້ວກວ່າ 60% ແລ້ວ ຕອນນີ້ ຢູ່ໃນໄລຍະ ກໍ່ສ້າງປະຕູແຂື່ອນ ແລະຂຸດເຈາະຊ່ອງນໍ້າຮູສະໂຮງ ໃຫ້ກວ້າງອອກ ໃນຂນະທີ່ຜູ້ຖືກຜົນກະທົບ ຕ້ອງຍ້າຍມີທັງໝົດ 22 ຫຼັງຄາ ເຮືອນ ໄປຢູ່ບ້ານຈັດສັນ ເຂື່ອນດອນສະໂຮງ ສຳເຣັດແລ້ວເມື່ອ 2 ປີກ່ອນ.



__________________
Page 1 of 1  sorted by
 
Quick Reply

Please log in to post quick replies.



Create your own FREE Forum
Report Abuse
Powered by ActiveBoard