ຄນະກວດກາ ສູນກາງພັກປະຊາຊົນ ປະຕິວັດລາວ ກວດພົບ ຜູ້ຣະເມີດ ຄຳສັ່ງເລກທີ 15 ຂອງນາຍົກຣັຖມົນຕຣີ ທີ່ເຂັ້ມງວດໃນການ ຄວບຄຸມແລະກວດກາການຂຸດຄົ້ນໄມ້ ເຄື່ອນຍ້າຍໄມ້ແລະທຸຣະກິດໄມ້ ເກືອບເຖິງ 600 ຄົນໃນທົ່ວປະເທດ. ໃນນັ້ນມີ ພະນັກງານຣັຖ 50 ຄົນ ມີສ່ວນກ່ຽວຂ້ອງນໍາ; ດັ່ງເຈົ້າໜ້າທີ່ ຄນະກວດກາສູນກາງພັກ ກ່າວຕໍ່ RFA ໃນມື້ວັນທີ 10 ພຶສພາ ນີ້ວ່າ:
"ມີການກວດກາ ຂອງຄນະກວດກາຂອງແຂວງ ມີການພົບເຫັນ ການຊຸກເຊື່ອງໄມ້ຫັ້ນນ່າ ໄປບໍ່ຮອດບໍ່ເຖິງ ໄປບໍ່ຮອດບໍ່ເຖິງແລ້ວ ກໍ່ໄປ ກວດກາ ໄປເຫັນຫັ້ນນ່າ ຄນະກວດກາ ຂອງໄທເຮົາ ກໍ່ບັນທຶກໄວ້ແລ້ວ.”
ທ່ານກ່າວຕື່ມວ່າໃນການກວດກາ ການປະມູນໄມ້ 50 ພັນປາຍແມັດກ້ອນ ແຕ່ປີ 2015 ຫາ 2016 ມູນຄ່າທັງໝົດ 116 ຕື້ປາຍກີບ ໄດ້ ພົບເຫັນຜູ້ກະທໍາຜິດ}າຍເຖິງ 595 ຄົນ. ໃນນັ້ນມີຜູ້ປະກອບການ ໂຮງງານປຸງແຕ່ງໄມ້ ແລະຮ້ານຂາຍເຟີນີເຈີ້ 182 ຄົນ, ປະຊາຊົນທົ່ວໄປ 363 ຄົນ ແລະພະນັກງານຣັຖ 50 ຄົນ. ການລົງໂທດຜູ້ກະທໍາຜິດທີ່ວ່ານັ້ນໄດ້ມອບໃຫ້ຄນະກວດກາ ພັກ-ຣັຖແຂວງນັ້ນໆ ເປັນຜູ້ດຳເນີນ ການ.
ໃນການກວດກາພະນັກງານ ພັກ-ຣັຖ ໃນແຕ່ລະແຂວງ ພົບເຫັນການອະນຸຍາດ ໃຫ້ໂຄຕາໄມ້ ໃນສົກປີ 2015-2016 ທັງໝົດ 166 ພັນ ແມັດກ້ອນ, ຄືນໄມ້ໃຫ້ຣັຖ ທັງໝົດ 94 ພັນແມັດກ້ອນ. ສ່ວນທີ່ເຫລືອ 72 ພັນແມັດກ້ອນ ຖືກຂາຍໃຫ້ໂຮງງານປຸງແຕ່ງ ໄມ້ໃນ ລາວ ແລະຂາຍໄປຕ່າງປະເທດ.
ການກະທຳຜິດ ຂອງຜູ້ຕ້ອງຫາ ທີ່ເປັນພະນັກງານຣັຖ ແມ່ນການໃຊ້ອຳນາດ ໄປໃນທາງທີ່ຜິດ ທີ່ເອື້ອອຳນວຍຜົນປະໂຫຍດ ໃຫ້ຄອບຄົວ ຂອງຕົນ ແລະກຸ່ມນາຍທຶນຄ້າໄມ້. ນັບແຕ່ ປີ 2015 ເປັນຕົ້ນມາ ຣັຖເສັຍຫາຍຫລາຍເຖິງ 1 ພັນປາຍຕື້ກີບ.
ໃນປີ 2017 ກົມການເມືອງສູນກາງພັກ ກໍໄດ້ອອກຄຳສັ່ງຍ້າຍ ທ່ານ ນາມ ວິຍະເກດ ເຈົ້າແຂວງ ແຂວງອັດຕະປື ໄປຮັບໜ້າທີ່ໃໝ່ ຢູ່ສະພາ ວິທຍາສາດສັງຄົມແຫ່ງຊາດ ໃນວັນທີ 21 ພຶສຈິກາ 2018 ຊຶ່ງມີການສົງສັຍກັນວ່າ ເປັນຍ້ອນ ມີການພົວພັນກັບ ທຸຣະກິດ ຄ້າໄມ້ສົ່ງອອກ ໄປຕ່າງປະເທດ ແລະບັນຫາທີ່ດິນນຳດ້ວຍ.
ມີລາຍງານຈາກຊາວບ້ານວ່າ ເກີດເຫດສະເທືອນຂັວນ ແລະ ຫົດຫູ່ ນັກຮຽນຖືກຍິງ ທີ່ບ້ານພູແຊວ ແຂວງຊຽງຂວາງ ເຊິ່ງເຫດດັ່ງກ່າວແມ່ນເກີດຂື້ນໃນວັນທີ 10 ພຶດສະພາ 2018 ຜ່ານມານີ້ ໂດຍຈະເກີດເຫດແມ່ນເຂດພື້ນທີ່ບ້ານພູແຊວ ເມືອງພູກູດ ແຂວງຊຽງຂວາງ ເຊິ່ງຄົນຮ້ານໄດ້ເຂົ້າມາຍິງນັກຮຽນທີ່ກຳລັງມາເຂົ້າໂຮງຮຽນ ເປັນເດັກຜູ້ຍິງອາຍຸ 13 ປີ ເຂົ້າ ຮ/ຮ ມໍ1 . ຂໍ້ມູນເບື້ອງຕົ້ນແມ່ນຈົ້າໜ້າທີ່ກຳລັງຊອກຫາຜູ້ຮ້າຍ ແລະ ສາເຫດການກໍ່ເຫດແບບອົງອາດແບບໄຮ້ຄວາມປານີ ແລະ ບໍ່ຮູ້ສຶກສົງສານນ້ອງນັກຮຽນທີ່ຍັງໄຮ້ດຽວສາ.
