ລາວໂຮມລາວ ເພື່ອປະຊາທິປະໄຕ

ຣັຖສະພາສະຫະຣັຖ ຮຽກຮ້ອງ ເຖິງ ຜູ້ນໍາລາວ

ທ່ານອິນຊີທອງ ຜູ້ຕາງໜ້າ ອົງການລາວເສຣີ

ຈົດໝາຍ ລົງວັນທີ 2 ພຶສຈິກາ 2018 ຂອງ ສະມາຊິກ ຣັຖສະພາ ສະຫະຣັຖ ອາເມຣິກາ ສອງທ່ານ ເຖິງ ທ່ານ ບຸນຍັງ ວໍລະຈິດ ປະທານ ປະເທສ ແລະ ທ່ານ ທອງລຸນ ສີສຸລິດ ນາຍົກຣັຖມົນຕຣີ ສປປລາວ ຜ່ານສະຖານທູດ ສປປລາວ ທີ່ ນະຄອນຫລວງ ວໍຊິງຕັນ ດີຊີ ຮຽກຮ້ອງ ໃຫ້ປ່ອຍບັນດາ ນັກເຄື່ອນໄຫວ ເພື່ອ ສິດທິມະນຸດ ນາງ ຫລອດຄໍາ ທໍາມະວົງ, ທ່ານ ສູການ ໃຈທັດ, ທ່ານ ສົມພອນ ພິມມະສອນ ແລະ ທ່ານ ບຸນທັນ ທໍາມະວົງ ແລະ ໃຫ້ສົ່ງ ທ່ານ ສົມບັດ ສົມພອນ ກັບຄືນສູ່ ຄອບຄົວຂອງທ່ານ ຊຶ່ງ ມາດາມ ອຶ້ງ ຊຸຍ ເມັ້ງ ພັລຍາ ຂອງ ທ່ານ ສົມບັດ ສົມພອນ ໃຫ້ສໍາພາດ ວິທຍຸເອເຊັຍເສຣີ ເມື່ຶອບໍ່ດົນມານີ້ວ່າ:

"ພາກສ່ວນສາກົນນໍ ຫລັງຈາກ ຜ່ານມາຫລາຍປີແລ້ວ ກະຍັງຖາມຫາ ຢາກຈະຮູ້ນໍ ລູງ ສົມບັດ ປັດຈຸບັນ ຢູ່ໃສ ອັນນີ້ປ້າ ຂອບໃຈ ເຂົາເຈົ້າຫລາຍໆ ສໍາລັບປ້າ ອັນນີ້ເປັນກໍາລັງໃຈ ໃຫ້ປ້າ ວ່າ ທາງນອກນໍ ໂດຍສະເພາະສາກົນ ຍັງບໍ່ທັນໄດ້ລືມ ກ່ຽວກັບ ເຄສ ຂອງ ອິລູງສົມບັດ."

ກ່ຽວກັບຈົດໝາຍສະບັບ ດັ່ງກ່າວ ທ່ານ ອິນຊີທອງ ຄນະນໍາ ແລະ ທັງເປັນໂຄສົກ ອົງການລາວເສຣີ Free Laos Campaign ທີ່ສະຫະຣັຖ ອາເມຣິກາ ໃຫ້ສໍາພາດ ວິທຍຸເອເຊັຍເສຣີ ໃນມື້ວັນ 3 ພຶສຈິກາ ນີ້ ຊຶ່ງເບື້ອງຕົ້ນ ທ່ານໄດ້ກ່າວເຖິງ ເນື້ອໃນສໍາຄັນ ຂອງຈົດໝາຍ ນັ້ນວ່າ: ເຊີນທ່ານຟັງ ສຽງສໍາພາດ ໄດ້ເລີຍ....